У музеі Васіля Быкава - новыя экспанаты

У мінулым 2006 годзе Васіля Быкава ў Гародні папоўніўся новымі матэрыяламі з жыццёвай і творчай спадчыны народнага пісьменніка Беларусі. Сярод паступіўшых экспанатаў пашпарт, прафсаюзны білет і іншыя дакументы ў арыгінале, франтавыя лісты Быкава, а таксама пісьмы ад вучняў і настаўнікаў да яго, фотаздымкі розных гадоў.

У скарбонку музея трапілі і асобныя машынапісныя старонкі некаторых твораў В. Быкава з ягонымі ўласнаручнымі рукапіснымі праўкамі.

З асабістых рэчаў пісьменніка ў музей перададзены яго кашуля-фрэнч, бярэт, гальштук, шарф, наручны гадзінік, дыктафон, паходная сумка і іншыя прадметы. Сярод пісьмовых прылад, напрыклад, машына, на якой друкаваліся рукапісы яго твораў.

Бібліятэка музея таксама папоўнілася не толькі кнігамі Быкава і пра Быкава апошніх гадоў, але і шэрагам выданняў сучасных беларускіх пісьменнікаў, якія яны з любоўю адрасавалі музею Васілія Быкава ў Гародні.

Студзень 2007 г.
 

<<< Галоўная старонка